வேலம்பட்டி அருகே நாகோஜன ஹள்ளியை சேர்ந்த பெண் கவுன்சிலர் காஞ்சனா. இவர் தன் கணவருடன் சேர்ந்து தேநீர் கடை நடத்தி வரும் நிலையில், கடையினுள் நேரக் கட்டுப்பாடுகள் இன்றி மறைமுகமாக மதுபானங்கள் விற்பனை செய்து வருவதாக கூறப்படுகிறது. மேலும், டாஸ்மாக் கடையில் கூட கிடைக்காத அளவுக்கு ஒரு குவார்ட்டரை பாதியாக பிரித்து இங்கே கட்டிங் விற்பனையும் களை கட்டுவதாக கூறப்படுகிறது. இது குறித்த வீடியோ காட்சிகள் வெளியாகி பரபரப்பை ஏற்படுத்தியுள்ளது. அதில், மதுப்பிரியர் ஒருவர் ஒரு கட்டிங் மதுவை ரசித்துக் குடிக்கும் காட்சிகளும் டேபிள் எங்கும் காலி மது பாட்டில்கள் கிடக்கும் காட்சிகளும் பதிவாகியுள்ளன.