தூத்துக்குடியில் மீனவர் தினத்தையொட்டி நடைபெற்ற படகு போட்டியில் வெற்றி பெற்ற மீனவர்களுக்கு திமுக எம்.பி கனிமொழி பரிசுகளை வழங்கினார். உலக மீனவர் தினத்தை முன்னிட்டு முத்து நகர் கடற்கரையில் நடந்த இப்போட்டியில்,15க்கும் மேற்பட்ட படகுகள் கலந்து கொண்டன. சுமார் 2-கடல் மைல் தொலைவு வரை போட்டி நடைபெற்ற நிலையில், வெற்றி பெற்ற மீனவர்களுக்கு திமுக துணைப் பொதுச்செயலாளரும், தூத்துக்குடி எம்.பியுமான கனிமொழி, பிரிட்ஜ், வாசிங் மெஷின் உள்ளிட்டவைகளை பரிசுகளாக வழங்கினார். இந்த நிகழ்ச்சியில் அமைச்சர் கீதா ஜீவன், உள்ளிட்டோர் கலந்து கொண்டனர்.