கோயில்கள் தொடர்பான பொதுநல வழக்குகள் தொடர்ந்த நபர், தனது உண்மைத்தன்மையை நிரூபிக்க 3 லட்சத்து 50 ஆயிரம் ரூபாயை டெபாசிட் செய்யுமாறு உயர் நீதிமன்றம் உத்தரவிட்டுள்ளது.
திருச்சியை சேர்ந்த ரங்கராஜன் நரசிம்மன் என்பவர், கோயில்கள் தொடர்பான ஏழு வழக்குகளை தாக்கல் செய்திருந்தார்.
இவை விசாரணைக்கு வந்த போது, மனுதாரர் எந்த கோயிலின் பக்தர் என நீதிபதிகள் கேள்வி எழுப்பியதற்கு, எல்லா கோயில்களிலும் பக்தர் என பதிலளித்தார்.
இதனால், மனுதாரர் தனது உண்மைத்தன்மையை நிரூபிக்கும் வகையில், 7 வழக்குகளுக்கும் தலா 50 ஆயிரம் ரூபாய் டெபாசிட் செய்யுமாறு நீதிபதிகள் உத்தரவிட்டனர்.
வழக்குகள் நியாயமானவை என நிரூபணமானால் தொகை திருப்பித் தரப்படும் என்றனர்.