திருவள்ளூர் மாவட்டம் கவரைப்பேட்டையில் உள்ள தனியார் பொறியியல் கல்லூரியில் 12ஆம் ஆண்டு மஞ்சுளா முனிரத்தினம் நினைவு சுழற்கோப்பைக்கான கிரிக்கெட் போட்டி 5 நாட்கள் நடைபெற்றது. இதில் மாநில அளவில் 20 அணிகள் பங்கேற்றன. இறுதிப்போட்டியில் சென்னை லயோலா கல்லூரி அணியும், சென்னை எஸ்ஆர்எம் கல்லூரி அணியும் மோதின. இதில் 22 ரன் வித்தியாசத்தில் எஸ்ஆர்எம் கல்லூரி அணி சாம்பியன் கோப்பையை தட்டிச்சென்றது. பரிசளிப்பு விழாவில் ஆர்எம்கே கல்வி குழும தலைவர் ஆர்.எஸ்.முனிரத்னம் எஸ்ஆர்எம் கல்லூரி அணிக்கு சாம்பியன் கோப்பையை பரிசாக வழங்கினார். இரண்டாம் இடம் பிடித்த லயோலா கல்லூரி அணிக்கு பரிசு வழங்கப்பட்டன.