டெல்லியில் செய்தியாளர்களிடம் பேசிய அவர், தேவ பூமியான ஹிமாச்சல பிரதேச மக்கள் அக்னிவீர் திட்டத்தை ரத்து செய்ய வேண்டும் என்ற செய்தியை பாஜகவிற்கு தந்துள்ளதாக கூறியுள்ளார். ராணுவத்தில் இணையவிருந்த இளைஞர்கள் வசித்து வரும் பகுதிகளில் பாஜகவிற்கு சரியான பதிலடி அளிக்கப்பட்டிருப்பதாகவும், காங்கிரஸ் எம்.பி. ஆனந்த் சர்மா தெரிவித்துள்ளார். மேலும், பழைய ஓய்வூதிய திட்டத்தை மீண்டும் கொண்டு வர வேண்டும் என ஹிமாச்சல பிரதேச மக்கள் கருதுவதாக குறிபிட்டுள்ளார். இத்தகைய காரணங்களே பாஜகவின் தோல்விக்கு காரணமாக அமைந்தது என ஆனந்த் சர்மா கூறியுள்ளார்.