கிலோ 100 ரூபாய்க்கு விற்று வந்த பூண்டின் விலை இன்று 190 முதல் 250 வரை விற்கப்படுகிறது.

கிலோ 400 ரூபாய்க்கு விற்ற மிளகு இன்று 540 ரூபாய்க்கும், 190 ரூபாய்க்கு விற்ற சோம்பு இன்று 360 ரூபாய்க்கும், 110 ரூபாய்க்கு விற்ற புளி இன்று 175 ரூபாய்க்கும் விற்கப்படுகிறது.

நல்லெண்ணெய் ஒரு லிட்டர் 300 ரூபாய்க்கு விற்று வந்த நிலையில் இன்றைய நிலவரப்படி 440 ரூபாய்க்கு விற்கப்படுகிறது.

இதே போல் மிளகாய் தூள், சர்க்கரை, முந்திரி, திராட்சை, ஏலக்காய், மிளகாய் வற்றல் உள்ளிட்ட மளிகை பொருட்களின் விலையும் கணிசமாக அதிகரித்துள்ளது. அரிசி விலையும் வெகுவாக உயர்ந்துள்ளது.

பெட்ரோல், கேஸ் , மின்கட்டணம் என அடுத்தடுத்து அச்சுறுத்திய நிலையில் தற்போது காய்கறி மற்றும் மளிகை பொருட்களின் விலைகளும் அதிகரித்துள்ளதால் தாங்கள் குடும்பம் நடத்தவே முடியாத சூழலில் உள்ளதாக மக்கள் அதிருப்தி தெரிவிக்கிறார் நெவில்.

மளிகை பொருட்கள் பெரும்பாலும் மத்திய பிரதேசம், ராஜஸ்தான், உத்தரபிரதேச மாநிலங்களில் இருந்து தான் வருவதாகவும், அவர்கள் உக்ரைனுக்கு ஏற்றுமதி செய்து வருவதால் தமிழகத்துக்கு வரத்து குறைந்துள்ளதாகவும் இதுவே விலை ஏற்றத்துக்கு முக்கிய காரணம் எனவும் இப்போதைக்கு விலை குறைய வாய்ப்பில்லை எனவும் தெரிவிக்கின்றனர் வியாபாரிகள்.

காய்கறிவிலையும், மளிகை பொருட்களின் விலையும் ஒருசேர உயர்ந்திருப்பது மக்கள் மத்தியில் கடும் அதிருப்தியை ஏற்படுத்தியுள்ளது. விலைவாசி உயர்வை கட்டுப்படுத்த மத்திய, மாநில அரசுகள் உடனடியாக நடவடிக்கை எடுக்க வேண்டும் என்பதே பொதுக்கள் கோரிக்கையாக உள்ளது.