கோவையில் பணி நீக்கம் செய்யப்பட்ட பேருந்து ஓட்டுநர் ஷர்மிளாவுக்கு தனியார் துறையில் வேலை வாய்ப்புகளை வாங்கித் தர முடியும் என்று எம்.பி கனிமொழி தெரிவித்துள்ளார். ஷர்மிளாவிற்கு அரசு போக்குவரத்து கழகத்தில் ஓட்டுநர் பணி வழங்கப்படுமா என்ற செய்தியாளர் கேள்விக்கு பதிலளித்த எம்.பி கனிமொழி, அரசு பணியை தான் எப்படி வாங்கி தர முடியும் என்று கேட்டதுடன், தனியார் துறையில் வேலை வாய்ப்புகளை வாங்கித் தருவது போன்ற உதவிகளை செய்வதாக தான் ஷர்மிளாவிடம் தெரிவித்து இருப்பதாகக் குறிப்பிட்டார்.