கொடைக்கானல் - வத்தலகுண்டு பிரதான சாலையில், ராட்சத மரம் முறிந்து விழுந்ததால் போக்குவரத்து பாதிக்கப்பட்டது. கொடைக்கானல் மலை பகுதியில் கடந்த சில நாள்களாக பரவலாக மழை பெய்தது. இந்நிலையில், மலைச்சாலையில் டம்டம்பாறை அருகே நேற்று இரவு, ராட்சத மரம் முறிந்து சாலையின் குறுக்கே விழுந்தது. தகவலறிந்து சம்பவ இடத்திற்கு விரைந்த வனத்துறையினர், போராடி மரத்தை அகற்றினர். இதில் சுமார் 1 மணி நேரத்திற்கும் மேலாக போக்குவரத்து பாதிக்கப்பட்டது.