திருநெல்வேலி மாவட்டம் திசையன்விளை உலக மீட்பர் மேல்நிலைப் பள்ளியில், 1996ஆம் ஆண்டு படித்த மாணவர்கள், 25 ஆண்டுகளுக்கு பின்னர் சந்தித்து தங்கள் நட்பை வெள்ளி விழாவாக கொண்டாடினர். இந்நிகழ்வில், பொறியாளர்கள், மருத்துவர்கள், வழக்கறிஞர்கள், தொழிலதிபர்கள், நீதிபதிகள் என பல்வேறு துறைகளில் ஜொலிக்கும் முன்னாள் மாணவர்கள், தங்களது மலரும் நினைவுகளை பகிர்ந்து கொண்டனர். தொடர்ந்து, குழந்தைகளின் நடனங்கள், விளையாட்டுப் போட்டிகள், உறவா? நட்பா? என்ற தலைப்பில் பட்டிமன்றம் போன்ற கலை நிகழ்ச்சிகள் நடைபெற்றன.