கால்பந்து ஜாம்பவான் பீலே உடல்நலக்குறைவு காரணமாக காலமானார். அவருக்கு வயது 82. அவரது இறுதிச் சடங்கு பிரேசிலில் அவரது சொந்த ஊரான சாண்டோஸில் நடைபெறும் என்று தெரிவிக்கப்பட்டுள்ளது. வரும் திங்கள் மற்றும் செவ்வாய்க் கிழமைகளில் பீலேவின் இறுதிச் சடங்குகள் அவரது இல்லத்தில் நடைபெறும் எனவும், 24 மணி நேரமும் பொதுமக்கள் அஞ்சலி செலுத்தும் வகையில் ஏற்பாடுகள் செய்யப்பட்டுள்ளதாகவும் மேலும் அவரது உடல் சாண்டோசிலேயே புதைக்கப்படும் எனவும் தெரிவிக்கப்பட்டுள்ளது. பல முறை பீலேவின் மாயாஜால விளையாட்டை கண்டு ரசிகர்கள் ஆர்பரித்த அதே சாண்டோசின் விலா பெல்மிரோ கால்பந்து மைதானத்தில் அவரது உடல் இறுதி அஞ்சலிக்காக வைக்கப்படவுள்ளது குறிப்பிடத்தக்கது.