திருவள்ளூர் அருகே மின் வயர்களை திருடியதாக திமுக நிர்வாகி உட்பட 6 பேரை போலீசார் கைது செய்துள்ளனர். வெங்கல் அடுத்த கீழானூர் பகுதியில் விவசாய நிலங்களில் உள்ள மின் கம்பங்களில் சுமார் 10 லட்சம் ரூபாய் மதிப்பிலான மின் வயர்கள் திருடப்பட்டதாக புகார் எழுந்தது. இது தொடர்பாக விசாரணை மேற்கொண்டுவந்த போலீசார், மின் ஒயர்களை மாற்றி அமைக்கும் ஒப்பந்ததாரரும், திமுக நிர்வாகியுமான ஆண்ட்ரூஸ் அலெக்சாண்டர் மற்றும் துணை மின் நிலையத்தில் ஒப்பந்த ஊழியர்கள் 5 பேரை கைது செய்து, அவர்களிடம் இருந்த வயர் கட்டர்களை (wire cutter) பறிமுதல் செய்தனர்.