முட்டைகளை விழுங்கிய பாம்பு, அவற்றை கக்கும் வீடியோ வைரலாகி வருகிறது. கடலூர் வெளிசெம்மண்டலத்தை சேர்ந்த துரை என்பவருக்கு சொந்தமான கோழி, 15க்கும் அதிகமான முட்டைகளை இட்டு அடைகாத்து வந்துள்ளது. இதனிடையே முட்டைகள் பொரிந்துவிட்டதா? என துரை கூடையை திறந்து பார்த்தபோது, கோழி செத்துக் கிடந்த நிலையில், அருகில் இருந்த பாம்பு முட்டைகளை விழுங்கிக் கொண்டிருந்ததை கண்டு அதிர்ச்சி அடைந்தார். இந்த நிலையில் சம்பவ இடத்திற்கு வந்த பாம்பு பிடி வீரர் அதை பிடிக்க முயன்ற நிலையில், பாம்பு விழுங்கிய கோழிக் குஞ்சு மற்றும் முட்டைகளை அடுத்தடுத்து கக்கியது.