துபாய் ஓபன் டென்னிஸ் சாம்பியன்ஷிப் தொடரில் ரஷ்யாவைச் சேர்ந்த முன்னணி வீரர் டேனில் மெத்வதேவ் சாம்பியன் பட்டம் வென்றார். துபாய் நகரில் நடைபெற்ற ஆடவர் ஒற்றையர் பிரிவு இறுதிப்போட்டியில் சக நாட்டு வீரர் ஆன்ட்ரே ரூப்லெவுடன் மெத்வதேவ் மோதினார். போட்டியின் ஆரம்பம் முதலே ஆதிக்கம் செலுத்திய மெத்வதேவ், 6க்கு 2, 6க்கு 2 என்ற நேர் செட்களில் எளிதாக வெற்றி பெற்று, சாம்பியன் பட்டத்தை தனதாக்கிக் கொண்டார்.