இது தொடர்பாக அவர் வெளியிட்டுள்ள அறிக்கையில், இளைஞரணி பணிகளைத் திறம்பட ஒருங்கிணைக்கும் வகையில் கட்சியின் தலைவர் ஒப்புதல் பெற்று இந்த நடவடிக்கை என குறிப்பிடப்பட்டுள்ளது. திமுகவில் மொத்தம் உள்ள 72 மாவட்டங்கள், புதுச்சேரி மாநிலங்கள் உள்ளடக்கி 9 மண்டலமாக பிரித்து, பொறுப்பாளர்கள் நியமிக்கப்பட்டுள்ளதாக உதயநிதி ஸ்டாலின் தெரிவித்துள்ளார். சென்னை கிழக்கு, வடகிழக்கு, மேற்கு உள்ளிட்ட 6 மாவட்டங்களுக்கு திமுக இளைஞர் அணி துணை செயலாளர் எஸ்.ஜோயல் பொறுப்பாளராக நியமனம் செய்து அவர் உத்தரவிட்டுள்ளார். திருவள்ளூர், விழுப்புரம் உள்ளிட்ட 9 மாவட்டங்களுக்கு அப்துல் மாலிக் பொறுப்பாளராக நியமனம் செய்யப்பட்டுள்ளார்.