• திப்பு சுல்தான் வாரிசுகளை விரட்டியடித்து, ராமர் மற்றும் அனுமன் வாரிசுகளுக்கு வாக்காளிக்க வேண்டும் என கர்நாடக பாஜக தலைவர் கூறியிருப்பது சர்ச்சையை ஏற்படுத்தியுள்ளது. • சர்ச்சைக்கு பேர்போன கர்நாடக மாநில பாஜக தலைவர் நளின் குமார், கொப்பால் மாவட்டம் எலபுர்காவில் நடைபெற்ற நிகழ்ச்சியில் பேசினார். • அப்போது, தங்களை ராமர் மற்றும் அனுமனின் பக்தர்கள் என்றும், திப்புவின் ஆதரவாளர்கள் இல்லை என்றும் கூறினார். • சட்டப்பேரவைத் தேர்தலில் திப்பு ஆதரவாளர்களை விரட்டியடிக்க வேண்டும் என்ற அவர், திப்பு சுல்தானின் ஆதரவாளர்கள் வேண்டுமா? ராமர் மற்றும் ஹனுமனின் பக்தர்கள் வேண்டுமா? என்பதை கர்நாடக மக்கள் முடிவு செய்வார்கள் என்றார். • திப்புவின் ஆதரவாளர்கள் இங்கு இருக்கக்கூடாது என்றும், ராமர் மற்றும் அனுமனை கொண்டாடுபவர்கள் மட்டுமே இருக்க வேண்டும் என்றும் நளின் குமார் தெரிவித்தார். அவரது பேச்சு மத வெறுப்பை தூண்டும் வகையுல் உள்ளதாக பலர் கண்டனம் தெரிவித்து வருகின்றனர்.