டெல்லியில் இளம்பெண் ஷ்ரத்தா அவரது காதலர் அப்தாப்பால் வெட்டி படுகொலை செய்யப்பட்ட வழக்கில் விசாரணை தீவிரமாக நடைபெற்று வருகிறது. இந்த நிலையில் டெல்லியில் தடயவியல் துறை அலுவலகத்திற்கு வெளியே அப்தாப் அழைத்துச் செல்லப்பட்ட வாகனம் மீது தாக்குதல் நடத்தப்பட்டது. தாக்குதல் நடத்தியவர்கள் வாளை கொண்டு அப்தாப்பை தாக்க முயன்றதால் பரபரப்பு ஏற்பட்டது. இதுதொடர்பாக இருவர் கைது செய்யப்பட்டுள்ளதாக போலீஸ் தரப்பில் தெரிவிக்கப்பட்டுள்ளது. அவர்கள் இந்து சேனா அமைப்பை சேர்ந்தவர்கள் என கூறப்படுகிறது.