அகமதாபாத்தில் உள்ள நரேந்திர மோடி மைதானத்தில் இரவு 7.30 மணிக்கு இறுதிப்போட்டி தொடங்குகிறது. நடப்பு சாம்பியனான குஜராத்தை வென்று சென்னை இறுதிப்போட்டிக்கும், முன்னாள் சாம்பியனான மும்பையை வென்று குஜராத் இறுதிப்போட்டிக்கும் வந்துள்ளன. பேட்டிங், பவுலிங் என அனைத்து பிரிவுகளிலும் சம பலம் வாய்ந்தவையாக இரு அணிகளும் திகழ்கின்றன. சம பலம் வாய்ந்த இரு அணிகள் மோதும் இந்தப் போட்டி ரசிகர்களிடம் எக்கச்சக்க எதிர்பார்ப்பை ஏற்படுத்தி உள்ளது. இரு அணிகளும் இதுவரை 4 போட்டிகளில் நேருக்கு நேர் மோதி உள்ள நிலையில், 3 முறை குஜராத்தும் ஒரு முறை சென்னையும் வெற்றி பெற்று உள்ளன.