பிரபல நடிகை அசின் தொழிலதிபர் ராகுல் சர்மாவை காதலித்து 2016ஆம் ஆண்டு மணமுடித்தார். நீண்ட நாட்களாக திரையுலகை விட்டு அசின் ஒதுங்கியுள்ள சூழலில், தனது இன்ஸ்டாகிராம் பக்கத்தில் கணவருடன் இருந்த புகைப்படங்களை அசின் நீக்கியதாகவும், விவாகரத்து செய்யப்போவதாகவும் செய்திகள் வெளியாகின. இதற்கு முற்றுப்புள்ளி வைத்துள்ள அசின், கோடை விடுமுறையில் மகிழ்ச்சியாக இருந்த போது, ஆதாரமில்லாத இந்த செய்திகளை பார்த்தவுடன், நாங்கள் திருமணம் செய்ய பேச்சுவார்த்தை நடந்த போது, இருவரும் பிரிந்துவிட்டதாக வெளியான செய்தி நினைவில் வந்ததாக சுட்டிக்காட்டினார். இதைவிட சிறப்பாக செய்யுங்கள் என கடிந்துக்கொண்ட அசின், அற்புதமான விடுமுறையில் ஐந்து நிமிடத்தை வீணடித்ததற்கு வருந்துவதாக பதிவிட்டார்.