சென்னை நந்தனத்தில் உள்ள ஒய் .எம்.சி.ஏ. மைதானத்தில், தென்னிந்திய புத்தக விற்பனையாளர்கள் மற்றும் பதிப்பாளர்கள் சங்கம் சார்பில் புத்தக கண்காட்சி இன்று தொடங்குகிறது. முதலமைச்சர் மு.க.ஸ்டாலின் குத்துவிளக்கு ஏற்றி புத்தக கண்காட்சியை இன்று தொடங்கி வைக்கிறார். இன்று முதல் வரும் 23-ஆம் தேதி வரை சென்னை புத்தக கண்காட்சி நடைபெறுகிறது. இதற்காக 800 அரங்குகளும், தற்காலிக மேடையும் அமைக்கப்பட்டு தயாராக உள்ளன. அரங்குகளில் புத்தகங்கள் அடுக்குவது உள்ளிட்ட பணிகளில் ஊழியர்கள் இரவுபகல் பாராமல் மும்முரமாக ஈடுபட்டனர்.