மூன்றாவது நாளான இன்று ஞாயிற்றுக்கிழமை என்பதால் காலை முதல் ஏராளமானோர் குடும்பம் குடும்பமாக வருகை தந்து சென்னை தீவுத்திடலில் உள்ள பல்வேறு உணவு வகைகளை உண்டும் , பாரம்பரிய நெல் வகைகளை வாங்கிச் சென்றும் வருகின்றனர்.

அழிந்து வரும் நெல் வகைகள் மற்றும் அதன் பயன்கள் குறித்து பொதுமக்களிடையே விழிப்புணர்வு கிடைத்துள்ள நிலையில் பெரும்பாலானோர் தேடிச்சென்று இத்தகைய நெல் வகைகளை வாங்கி செல்வதாக வியாபாரிகள் தெரிவித்தனர்.

மேலும் ஏராளமான பொதுமக்கள் தங்களது குடும்பத்தினருடன் இன்றைய விடுமுறை தினத்தை கழிக்கும் விதமாக நிறைவு நாளான இன்று உணவு பாதுகாப்பு துறையின் சார்பில் இனிய அரங்கமைத்து பாட்டு கச்சேரியும், ஆடல் பாடல் நிகழ்ச்சிகளும் நடைபெற்று வருகிறது

சிறியவர்கள் இளைஞர்கள் பெரியவர்கள் என பலரும் கலை நிகழ்ச்சிகளை கண்டு ரசித்தும் , பல்சுவை உணவுகளை விரும்பி உண்டு மகிழ்ந்தும் மூன்றாவது நாள் உணவுத் திருவிழாவை கொண்டாடி தீர்த்து வருகின்றனர்.