பிரிஜ் பூஷன் சரண் சிங் மீது 2 வழக்குகள் பதிவுசெய்யப்பட்ட நிலையில் அதன் மீது நடவடிக்கை எடுக்கவும், கைது செய்ய வலியுறுத்தியும் மல்யுத்த வீராங்கனைகள் சாக்ஷி மாலிக், வினேஜ் போகத், சங்கீதா போகத் மற்றும் பஜ்ரங் புனியா உள்ளிட்டோர் போராட்டம் நடத்தி வருகின்றனர். இந்நிலையில், 7 மல்யுத்த வீராங்கனைகளில் ஒருவரான மைனர் பெண்,காவல்துறை மற்றும் மாஜிஸ்திரேட் முன் அளித்த 2 வாக்குமூலங்களையும் வாபஸ் பெற்றதாக கூறப்படுகிறது. குற்றவியல் நடைமுறைச் சட்டத்தின் 164 வது பிரிவின் கீழ் 17 வயதான அவர் புதிய வாக்குமூலத்தை மாஜிஸ்திரேட் முன் பதிவு செய்துள்ளதாக கூறப்படுகிறது. இந்த வாக்குமூலம் நீதிமன்றத்தின் முன் சாட்சியமாக கருதப்படுகிறது. இந்த வாக்குமூலத்தின் மூலம் குற்றச்சாட்டுகளைத் தொடர முடியுமா என்பதை நீதிமன்றமே தீர்மானிக்கும் என கூறப்படுகிறது.