காரத்தொழுவு கிராமத்தில் மதியவேளையில் எங்கிருந்தோ வந்த விஷத்தேனீக்கள், சாலையில் சென்றவர்களை விரட்டி விரட்டி கொட்டியது. அருகில் உள்ள பெட்ரோல் நிலையத்துக்குள் புகுந்து தேனீக்கள் கொட்டியதால், ஊழியர்களும், பெட்ரோல் நிரப்ப வந்தவர்களும் ஓட்டம் பிடித்தனர். இரு சக்கர வாகனத்தில் குழந்தையுடன் வந்த கணவன், மனைவியை தேனீ கூட்டம் சுற்றி வளைத்து கொட்டியதில், இருவரும் காயமடைந்தனர். அருகில் இருந்தவர்கள் குழந்தையைக் காப்பாற்றினர். கணவன், மனைவி இருவரும் உடுமலை அரசு மருத்துவமனையில் அனுமதிக்கப்பட்டுள்ளனர்.