2020 மே மாதத்தில் ஸிவிக்கி, ஸோமேட்டோ நிறுவனங்களுக்கு போட்டியாக அமேசான் நிறுவனமும் உணவு விநியோக சேவைகள் துறையில் அதிரடியாக
நுழைந்தது. ஆனால் தொடர் நஷ்டத்தினால், இதை தொடர முடியாமல், டிசம்பர் 29 முதல் உணவு விநியோக சேவைகளை நிறுத்தப் போவதாக அறிவித்துள்ளது.
2021 ஜனவரியில் தொடங்கப்பட்ட அமேசான் அகடமி என்ற ஆன்லைன் கல்வி நிறுவனத்தையும், 2023 ஆகஸ்ட்டில் நிறுத்தப் போவதாக அறிவித்துள்ளது.
ஐ.ஐ.டி நுழைவுத் தேர்வுக்கு மாணவர்களை தயார் படுத்தும் இந்த நிறுவனத்தில் தற்போது பயிலும் மாணவர்களின் பயிற்சி வகுப்புகள் முடிவடைந்த பின், இதை மூடத்
திட்டமிடப்பட்டுள்ளது. டிவிட்டர், பேஸ்புக், கூகுள் நிறுவனங்களை தொடர்ந்து அமேசான் நிறுவனமும் செலவுகளை குறைக்க உலகெங்கும் ஆட்குறைப்பை முன்னெடுத்துள்ளது குறிப்பிடத்தக்கது.