அஜித் பவார் உள்ளிட்டோரை தகுதி நீக்கம் செய்யக்கோரி, சபாநாயகரிடம் தேசியவாத காங்கிரஸ் சார்பில் மனு அளிக்கப்பட்டது.மகாராஷ்ட்ராவில், தேசியவாத காங்கிரஸ் கட்சியை சேர்ந்த மூத்த தலைவர் அஜித் பவார், பா.ஜ.க.வுக்கு ஆதரவு அளித்து துணை முதல்வராகப் பொறுப்பேற்றார். அஜித்பவாரின் ஆதரவு எம்.எல்.ஏ.க்கள் 8 பேர் அமைச்சர்களாகப் பொறுப்பேற்றனர். இந்நிலையில், அஜித்பவார் உட்பட 9 சட்டமன்ற உறுப்பினர்களை, கட்சித்தாவல் தடைச் சட்டத்தின்கீழ் தகுதி நீக்கம் செய்ய வேண்டுமென, தேசியவாத காங்கிரஸ் கட்சியின் சட்டமன்ற எதிர்க்கட்சித்தலைவராக நியமிக்கப்பட்டுள்ள ஜிதேந்திர ஆவாத், சபாநாயகரிடம் மனு அளித்துள்ளார். மனு மீது உரிய நடவடிக்கை எடுப்பதாக சபாநாயகர் ராஹுல் நர்வேக்கர் தெரிவித்தார்.