பிரதமரின் வருகையையொட்டி, நீலகிரி மாவட்டம் ஊட்டியில் ஹெலிபேட் அமைக்கும் பணி தீவிரமாக நடைபெற்று வருகிறது. முதுமலை புலிகள் காப்பகத்தில் உள்ள தெப்பக்காடு யானைகள் வளர்ப்பு முகாமுக்கு வருகிற 9 ஆம் தேதி பிரதமர் மோடி வருகிறார். இதற்காக, 5 அடுக்கு பாதுகாப்புகள் தீவிரப்படுத்தப்பட்டுள்ளது. மேலும், மசினகுடி - தெப்பகாடு வனப்பகுதி சாலை பணிகளும் தீவிரமாக நடைபெறுகிறது. அத்துடன், மேலும் ஊட்டி அருகே உள்ள சிங்காரா சாலையில் பிரம்மாண்ட ஹெலிபேட் அமைக்கும் பணி முழுவீச்சில் நடைபெற்று வருவதுடன், ஹெலிபேடை சுற்றியும் பலத்த பாதுகாப்பு போடப்பட்டுள்ளது.