மும்பை அருகே மின்சார ஸ்கூட்டரின் பேட்டரி வெடித்த‌தில், 7 வயது சிறுவன் உயிரிழந்த‌து சோகத்தை ஏற்படுத்தியுள்ளது. மும்பை புறநகர் பகுதியான பல்கார் மாவட்டம் வசை பகுதியில் உள்ள ஒரு வீட்டில், மின்சார ஸ்கூட்டருக்கான பேட்டரியை சார்ஜ் போடப்பட்டுள்ளது. அப்போது பேட்டரி திடீரென வெடித்த‌தால், அருகில் இருந்த ஷபீர் ஷாநவாஷ் என்ற 7 வயது சிறுவன் படுகாயமடைந்தான். 80 விழுக்காடு தீ காயங்களுடன் மருத்துவமனையில் அனுமதிக்கப்பட்ட சிறுவன், சிகிச்சை பலனின்றி உயிரிழந்தான். இந்த விபத்து குறித்து போலீசார் வழக்குப் பதிவு செய்து விசாரணை நடத்தி வருகின்றனர்.