மதுரையை சேர்ந்த பாண்டி என்பவரின் பசுவுக்கு, கடந்த சில நாட்களாக வயிறு வீங்கி இருந்ததாகவும், உணவு உண்ண முடியாமல் நோய்வாய்ப்பட்டு இருந்ததாகவும் கூறப்படுகிறது. இதையடுத்து தல்லாகுளம் கால்நடை மருத்துவமனையில் ஸ்கேன் செய்தபோது, மாட்டின் வயிற்றில் கிலோ கணக்கில் பிளாஸ்டிக் குப்பைகள் இருப்பது தெரியவந்தது. இதையடுத்து அறுவை சிகிச்சை மூலமாக, மாட்டின் வயிற்றில் இருந்து 50 கிலோ அளவிலான பிளாஸ்டிக் குப்பைகளை மருத்துவர்கள் அகற்றினர்.