காஞ்சிபுரத்தில் உள்ள சூப்பர் மார்க்கெட்டில் பெண்கள் சிலர் நூதன முறையில் உள்பாவாடைக்குள் பையை மறைத்து வைத்து பொருட்களைத் திருடிச் சென்ற பரபரப்பான வீடியோ காட்சிகள் வெளியாகியுள்ளன. சாலைத் தெரு பகுதியில் உள்ள சூப்பர் மார்க்கெட்டில் பொருட்களை வாங்குவது போல் வந்த பெண்கள் சிலர், அவற்றைத் திருடி, தங்கள் உள்பாவாடைக்குள் மறைத்து வைத்திருந்த பையில் போட்டு வைத்துக் கொண்டு சிறிய அளவிலான பொருட்களுக்கு மட்டும் பில் போட்டு எடுத்துச் சென்றுள்ளனர். பொருட்கள் காணாமல் போனதைக் கண்டு சிசிடிவியில் பார்த்து சம்பந்தப்பட்ட பெண்கள் குறித்து காவல் நிலையத்தில் கடை உரிமையாளர் புகாரளித்த நிலையில், போலீசார் திருட்டில் ஈடுபட்ட பெண்களை வலைவீசி தேடி வருகின்றனர்.