ராம துர்கா தொகுதி பாஜக வேட்பாளர் சிக்கரேவண்ணா என்பவர், வாக்காளர்களுக்கு பணம் விநியோகம் செய்ததாக புகார் எழுந்தது. அதன்பேரில், ராம துர்கா தொகுதிக்குட்பட்ட பகுதிகளில், தேர்தல் அதிகாரிகள் அதிரடி சோதனை நடத்தினர். அதில், உரிய ஆவணமின்றி காரில் எடுத்துச் செல்லப்பட்ட ஒன்றரை கோடி ரூபாய் பணத்தை தேர்தல் அதிகாரிகள் பறிமுதல் செய்தனர். முன்னதாக, துரனூர் அருகே வாக்காளர்களுக்கு பணம் விநியோகம் செய்யும் காட்சி வெளியாகி பரபரப்பை ஏற்படுத்தியது.