3 நாடுகள் சுற்றுப்பயணத்தை முடித்து கொண்டு பிரதமர் நரேந்திர மோடி நாடு திரும்பினார்.
பிரதமர் நரேந்திர மோடி 6 நாள் அரசுமுறை பயணமாக ஜப்பான், பப்புவா நியூ கினியா மற்றும் ஆஸ்திரேலியா ஆகிய நாடுகளுக்கு சென்றார். ஜப்பானில் நடைபெற்ற ஜி-7 மாநாட்டில் பங்கேற்ற பிரதமர் மோடி பின்னர் பப்புவா நியூ கினியா நாட்டில் நடைபெற்ற இந்திய - பசிபிக் தீவுகள் ஒத்துழைப்பு மாநாட்டில் கலந்து கொண்டார். பின்னர் ஆஸ்திரேலியா சென்ற பிரதமர் மோடி அந்நாட்டு பிரதமர் அந்தோணி ஆல்பனீசை சந்தித்து பேசினார். பின்னர் சிட்னியில் நடைபெற்ற இந்திய வம்சாவளியினரின் கலாச்சார விழாவில் பிரதமர் மோடி கலந்து கொண்டார். 6 நாட்களில் 50க்கும் மேற்பட்ட நிகழ்ச்சிகளில் பங்கேற்ற பிரதமர் மோடி ஆஸ்திரேலியாவில் இருந்து இன்று காலை இந்தியா திரும்பினார். அவரை பாஜக தேசிய தலைவர் ஜே.பி. நட்டா உள்ளிட்ட தலைவர்கள் வரவேற்றனர். தேசிய கொடியுடன் திரண்ட தொண்டர்கள் நடனமாடி தங்கள் மகிழ்ச்சியை வெளிப்படுத்தினர்