சிரித்த முகத்தோடும், உற்சாகத்தோடும் சொந்த நாட்டுக்கு திரும்பிய பாலஸ்தீனிய மக்கள் | Palestine

இஸ்ரேல், 15 பெண்கள் மற்றும் 15 சிறார்கள் உள்பட 30 பாலஸ்தீனிய பிணை கைதிகளை விடுவித்துள்ளது. சர்வதேச செஞ்சிலுவை சங்கத்தின் உதவியுடன் அவர்கள் நேற்றிரவு விடுவிக்கப்பட்ட நிலையில், பைத்துனியாவின் மேற்கு கடற்கரை சோதனைச் சாவடி அருகே உள்ள ஆஃபர் சிறைக்கு வெளியே பாலஸ்தீனியர்கள் ஆரவாரம் செய்தனர். காசா போரில் போராளி பாலஸ்தீனிய குழுவிற்கும் இஸ்ரேலுக்கும் இடையே நீடித்த ஆறு நாள் போர்நிறுத்தத்தின் ஐந்தாவது நாளில் ஹமாஸ் மேலும் 12 பணயக்கைதிகளை விடுவித்தது. இதனையடுத்து, 30 பிணை கைதிகளை இஸ்ரேல் விடுவித்துள்ளது. இதுவரை ஹமாஸ் தரப்பில் 81 பிணை கைதிகள் விடுவிக்கப்பட்டுள்ளது குறிப்பிடத்தக்கது