"குழந்தைகளுக்கு கூட பால் கிடைப்பதில்லை" - இலங்கை முன்னாள் எம்.பி. வேதனை!
இலங்கையில் பொருளாதார சிக்கல் நீடித்தால் அந்நாட்டு மக்கள் தமிழகம் வரும் எண்ணிக்கை அதிகரிக்கும் என இலங்கை முன்னாள் எம்.பி. சிவாஜிலிங்கம் தெரிவித்துள்ளார்.
கொரோனாவால் இலங்கையில் பொருளாதார நெருக்கடி அல்ல, ஊழலால் தான் என இலங்கை முன்னாள் எம்பி சிவாஜிலிங்கம் குற்றஞ்சாட்டியுள்ளார். மேலும் அவர் அரசு அந்நிய செலாவணி கையிருப்பில் இல்லை என்றும் சமையல் எரிவாயு 5 ஆயிரம் முதல் 10 ஆயிரம் வரை கொடுத்தால் கிடைப்பதில்லை எனவும் வேதனை தெரிவித்துள்ளார். குழந்தைகளுக்கு கூட பால் கிடைப்பதில்லை என வேதனைப்பட்டுள்ள அவர், பச்சை மிளகாய் ஆயிரம் ரூபாய்க்கும் முருங்கைகாய் 1,500 ரூபாய்க்கும் விற்பனையாவதாக கூறியுள்ளார்.
Next Story
