பிரிட்டனில் புதிதாக 54,990 பேருக்கு கொரோனா

பிரிட்டனில் புதிதாக 54 ஆயிரத்து 990 பேருக்கு தொற்று ஏற்பட்டுள்ளதாகவும், 454 பேர் உயிரிழந்து உள்ளதாகவும் தெரிவிக்கப்பட்டுள்ளது. இதனால் மொத்த உயிரிழப்பு எண்ணிக்கை 75 ஆயிரத்தை தாண்டி செல்கிறது. இதில் கடந்த 7 நாட்களில் மட்டும் 4 ஆயிரத்து 228 பேர் உயிரிழந்து உள்ளனர். உருமாறிய கொரோனா தொற்று வேகமாக பரவிவரும் நிலையில், கட்டுப்பாடுகளை மேலும் அதிகரிக்க உள்ளதாக பிரிட்டன் பிரதமர் போரிஸ் ஜான்சன் தெரிவித்துள்ளார். இதற்கிடையே நிலைமை கையை மீறிவிட்டதாகவும், பள்ளிகளை மூடுமாறும் எதிர்க்கட்சி தரப்பில் வலியுறுத்தப்பட்டுள்ளது.