தெற்காசியாவின் மிகப்பெரிய தாமரை கோபுரம் திறப்பு

இலங்கை தலைநகர் கொழும்புவில், தெற்காசியாவிலேயே மிக உயரமானதாக கருதப்படும் தாமரைக் கோபுரம் மக்கள் பார்வைக்காக, அதிபர் மைத்திரிபால சிறிசேன தலைமையில்  திறந்து வைக்கப்பட்டது. சுழலும் வர்த்தக நிலையங்கள், கலை அரங்கு ஆகியவற்றுடன் கட்டப்பட்டுள்ள இந்த பிரமாண்ட கோபுரம், 356 புள்ளி 3 மீட்டர் உயரத்துடன், உலகின் 19ஆவது பெரிய கோபுரம் என்ற பெருமையை பெற்றுள்ளது.  6 அதிசொகுசு அறைகளும், தாமரை மலரின் இதழ் போன்ற பகுதியில் 8 மாடிகள் அமைந்துள்ளதுடன், ஆறு மற்றும் ஏழாம் மாடிகள் வானொலி மற்றும் தொலைக்காட்சி டிஜிட்டல் நடவடிக்கைகளுக்காக ஒதுக்கப்பட்டுள்ளன. கொழும்பு மாநகரின் அழகை ரசிக்கும்  வகையில் இந்த கோபுரம் அமைக்கப்பட்டுள்ளது.