அடுக்குமாடி கட்டிடத்தில் மோதி விபத்துக்குள்ளான ஹெலிகாப்டர் - விமானி பலி

அமெரிக்காவின் நியூயார்க் நகரில் கட்டுப்பாட்டை இழந்த ஒரு ஹெலிகாப்டர் அடுக்குமாடி கட்டிடத்தில் மோதி விபத்துக்குள்ளானது. மழை மற்றும் கடும் பனிப்பொழிவின் காரணமாக ஹெலிகாப்டர் அவசரமாக தரையிரக்கப்பட்ட போது இந்த விபத்து நேரிட்டதாக கூறப்படுகிறது. இதில் ஹெலிகாப்டரை ஓட்டி வந்த விமானி உயிரிழந்தார். கட்டிடத்திற்குள் இருந்த ஒருவர் படுகாயமடைந்தார். விபத்து மிகுந்த சோகத்தை ஏற்படுத்தியுள்ளதாக அமெரிக்க அதிபர் டொனால்ட் டிரம்ப் வேதனை தெரிவித்துள்ளார். அடுக்குமாடி கட்டிடத்தின் மீது ஹெலிகாப்டர் மோதியதால், இரட்டை கோபுர தாக்குதல் போல் இன்னொரு தாக்குதலா என நியூயார்க் மக்கள் அச்சத்தில் உறைந்தனர். விபத்து என தெரிய வந்த பின்பே அவர்கள் நிம்மதி பெருமூச்சு விட்டனர்.