மேம்பால பணிக்காக மூடப்பட உள்ள சாலை... கோரிக்கையை ஏற்று அமைக்கப்பட்ட மாற்றுப்பாதை

திருவண்ணாமலை மாவட்டம் போளூரில், ரயில்வே மேம்பால பணிகளுக்காக, ரயில்வே கேட் பிரதான சாலை முழுவதுமாக மூடப்படுவதாக ரயில்வே நிர்வாகம் அறிவித்திருந்தது. மாற்றுப்பாதையாக நகரை சுற்றி உள்ள பைபாஸ் சாலையை பயன்படுத்துமாறும் அறிவுறுத்தப்பட்டது. இதனால் 6 கிலோமீட்டர் தூரம் சுற்றிச் செல்ல வேண்டி இருப்பதாகவும், அருகிலேயே மாற்றுப்பாதை அமைக்குமாறும், அப்பகுதி மக்கள் தந்தி டிவி வாயிலாக கோரிக்கை விடுத்தனர். இந்நிலையில் ரயில்வே கேட் அருகிலேயே மாற்றுப்பாதை அமைக்கப்படுவதால், மக்கள் மகிழ்ச்சி தெரிவித்துள்ளனர்.