நாமக்கல் டூ அயோத்தி.. தயாராகும் பிரம்மாண்ட மணி

அயோத்தி ராமர் கோயிலுக்காக நாமக்கல்லில் ஆலய மணிகள் தயார் செய்யப்பட்டுள்ளன. அயோத்தி ராமர் கோயிலுக்கு விரைவில் குடமுழுக்கு நடைபெறவுள்ளது. இந்தநிலையில் அக்கோயிலுக்காக மணிகள் செய்யுமாறு நாமக்கல்லில் உள்ள நிறுவனத்திற்கு, பெங்களூரை சேர்ந்த பக்தர் ஆர்டர் அளித்துள்ளார். அதன்படி 20-க்கும் மேற்பட்ட தொழிலாளர்கள் சேர்ந்து, 120 கிலோ, 70 கிலோ என பல்வேறு எடைகளில், 40-க்கும் மேற்பட்ட ஆலய மணிகளை செய்துள்ளனர். மணிகளை தயார் செய்த தொழிலாளர்கள், தங்களுக்கு மிகப்பெரிய பாக்கியம் கிடைத்துள்ளதாக நெகிழ்ச்சி தெரிவித்தது குறிப்பிடத்தக்கது.