தர்கா இடத்தில் சாமி சிலைகளை வைத்து கும்பல்.. குவிந்த போலீசார்.. செஞ்சியில் பரபரப்பு

விழுப்புரம் மாவட்டம் செஞ்சியில், தர்காவுக்குச் சொந்தமான இடத்தில் வைக்கப்பட்டிருந்த சாமி சிலைகள் போலீஸ் பாதுகாப்புடன் அகற்றப்பட்டன. செஞ்சி சிறுகடம்பூர் பகுதியில், காஜா பதர்ஷா முகமது தர்காவுக்குச் சொந்தமான இடத்தில், இரவோடு இரவாக அம்மன் சிலை, சிவலிங்கம், விநாயகர் சிலை உட்பட 7 சிலைகள் வைக்கப்பட்டு பூஜைகள் செய்யப்பட்டதாக தகவல் கிடைத்தது. இதன்பேரில் அங்கு சென்ற வருவாய்த்துறையினர், போலீஸ் உதவியுடன் சிலைகளை அப்புறப்படுத்தி, கருவூலத்திற்கு அனுப்பி வைத்தனர். சம்பவம் தொடர்பாக செஞ்சி டி.எஸ்.பி. கவினா நேரில் சென்று விசாரணை நடத்தினார்.