பி.இ. படிப்புக்கான கவுன்சிலிங் - அரசு பள்ளி மாணவர்களுக்கு முக்கிய தகவல்

பொறியியல் படிப்பில் சேருவதற்கு பொதுப் பிரிவு மாணவர்களுக்கான கலந்தாய்வு வெள்ளிக்கிழமை தொடங்குகிறது.

பொறியியல் கல்லூரிகளில் பிஇ, பிடெக் படிப்புகளில் சேர்வதற்கு ஆன்லைனில் 3 சுற்றுகளாக கலந்தாய்வு நடைபெறுகிறது. சிறப்பு பிரிவினருக்கான கலந்தாய்வு நடந்து முடிந்து, 685 இடங்கள் நிரம்பி உள்ளன. அதனைத் தொடர்ந்து ஒட்டுமொத்த பொதுக் கலந்தாய்வு, வெள்ளிக்கிழமை தொடங்கி, செப்டம்பர் 3-ஆம் தேதி வரை நடைபெறுகிறது. இதில், முதல் கட்ட பொது கலந்தாய்வு, ஆகஸ்ட் 9 ஆம் தேதி வரை நடைபெற உள்ளது. அரசு பள்ளி மாணவர்களுக்கான 7.5 சதவீதம் ஒதுக்கீட்டில் உள்ள தரவரிசை பட்டியலில் முதலிடம் தொடங்கி, ஆயிரத்து 74-ஆவது இடம் பிடித்த மாணவ, மாணவிகள் பங்கேற்கலாம் என்று அறிவிக்கப்பட்டுள்ளது.