சிறப்பு குழந்தைகளுடன் வீடியோ காலில் பேசிய நடிகர் சூரி

நடிகர் சூரி ரசிகர் மன்றம் சார்பில் நடைபெற்ற நிகழ்ச்சியில், சிறப்பு குழந்தைகளுடன் நடிகர் சூரி வீடியோ காலில் பேசி மகிழ்ந்தார். சூரியின் பிறந்தநாளையொட்டி, ஆட்டிசம் பாதித்த சிறப்பு குழந்தைகளுக்கான குரல் தேடல் என்ற தலைப்பிலான இசை நிகழ்ச்சி மதுரை காந்தி மியூசியத்தில் நடைபெற்றது. இதில் கலந்துகொண்ட சிறப்பு குழந்தைகள் குழந்தைகள், சூரி நடிப்பில் வெளிவந்த விடுதலை திரைப்பட பாடல் உள்ளிட்ட பல்வேறு சினிமா பட பாடல்களை பாடி அசத்தினர். நிகழ்ச்சியில் கலந்துகொண்ட குழந்தைகளிடம் சூரி வீடியோ காலில் பேசி வாழ்த்து தெரிவித்து பாராட்டினார்.