அடுத்தடுத்த வார்டில் வேட்புமனு தாக்கல் செய்த மாமனார், மருமகள்

திருவாரூர் மாவட்டம் நன்னிலம் அருகே மாமனார் மற்றும் மருமகள் அடுத்தடுத்த வார்டில் வேட்புமனு தாக்கல் செய்துள்ளனர். நல்லமாங்குடி பகுதியை சேர்ந்தவர் முருகையன். ஓய்வு பெற்ற அரசு ஊழியரான இவர், இருதினங்களுக்கு முன், அப்பகுதியில் உள்ள 2 வது வார்டில் போட்டியிட சுயேட்சை வேட்பாளராக வேட்புமனு தாக்கல் செய்தார். இந்நிலையில், தானும் மக்களுக்கு சேவை செய்ய விரும்புவதாக கூறி, முருகையனின் மருமகள் விஜயா, முதல் வார்டில் சுயேட்சை வேட்பாளராக வேட்புமனு தாக்கல் செய்துள்ளனர்.