முதல்முறையாக கீழடியில் முதலமைச்சர் - அமைச்சர்களுடன் முதலமைச்சர் நேரடி ஆய்வு

சிவகங்கை மாவட்டம் மானாமதுரை அருகே உள்ள கீழடி, அகரம், மணலூர், கொந்தகை ஆகிய நான்கு இடங்களிலும் மத்திய மாநில அரசுகள் சார்பாக 7 கட்ட அகழாய்வு பணிகள் முடிந்து, 15 ஆயிரத்திற்கும் மேற்பட்ட பழமையான பொருட்கள் கண்டுபிடிக்கப்பட்டுள்ளன. இவை அனைத்தும் 2 ஆயிரத்து 600 ஆண்டுகளுக்கு முற்பட்டது என கண்டறியப்பட்டுள்ளது. முதன்முறையாக முதலமைச்சரான பிறகு கீழடியில் அகழாய்வு செய்யப்பட்ட குழிகள்,  சுடுமண் பொம்மைகள், உறைகிணறுகள், முதுமக்கள் தாழிகள், தங்கத்திலான வளையல், கற்கோடாரி , தமிழ் எழுத்துக்கள் பொறிக்கப்பட்ட ஓடுகள், எலும்புக் கூடுகள், பகடைக்காய் உள்பட பல பொருட்களை ஸ்டாலின் பார்வையிட்டார். இவருடன் தொல்லியல் துறை அமைச்சர் தங்கம் தென்னரசு, உள்ளாட்சித்துறை அமைச்சர் பெரியகருப்பன், வருவாய்த்துறை அமைச்சர் ராமச்சந்திரன் , பள்ளிகல்வித்துறை அமைச்சர் அன்பில் பொய்யாமொழி உடனிருந்தனர் . மேலும் முதல்வர் ஸ்டாலினுக்கு தொல்லியல் துறையினர் இப்பொருட்கள் குறித்து விளக்கமளித்தனர்.