நடிகர் சூரி இல்ல திருமண விழாவில் திருட்டு - திருடிய இளைஞரை கைது செய்த போலீசார்

மதுரையில் நடிகர் சூரி இல்லத் திருமணவிழாவில் தங்க நகையை திருடிச் சென்ற இளைஞரை போலீசார் கைது செய்துள்ளனர்.மதுரை, சிந்தாமணி பகுதியில் கடந்த 9 ஆம் தேதி நடந்த நடிகர் சூரியின் இல்ல திருமண விழாவில் 10 பவுன் மதிப்பிலான தங்க நகை திருட்டு போனது. இச்சம்பவம் தொடர்பாக சூரியின் மேலாளர் கீரைத்துறை காவல்நிலையத்தில் புகார் அளித்தார். இந்நிலையில், இதுகுறித்து சிசிடிவி காட்சிகளை ஆய்வு செய்து காவல்துறையினர் விசாரணை நடத்தினர். இந்த விசாரணையில் திருட்டு சம்பவத்தில் ஈடுபட்ட நபர் பரமக்குடி பகுதியைச் சேர்ந்த இளைஞர் விக்னேஷ் என தெரியவந்தது. இதனையடுத்து, கீரைத்துறை போலீசார் விக்னேஷை கைது செய்து, 10 பவுன் நகையை மீட்டனர்.