பொறியியல் சேர்க்கை - அட்டவணை வெளீயீடு "நாளை முதல் ஆன்லைனில் விண்ணப்பிக்கலாம்"

பொறியியல் படிப்பு சேர்க்கைக்கான அட்டவணையை உயர்க்கல்வித்துறை வெளியிட்டுள்ளது.அதன்படி, பொறியியல் படிப்புகளில் சேர நாளை முதல் ஆன்லைனில் விண்ணப்பிக்கலாம் என்றும், ஆகஸ்ட் 24ஆம் தேதி விண்ணப்பிக்க கடைசி நாள் என்றும் தெரிவிக்கப்பட்டுள்ளது. ஆகஸ்ட் 25ஆம் தேதி ரேண்டம் எண் வெளியிடப்படும் என தெரிவித்துள்ள நிலையில், செப்டம்பர் 4ஆம் தேதி தரவரிசைப் பட்டியல் வெளியிடப்படும் என குறிப்பிடப்பட்டுள்ளது. சிறப்பு பிரிவு மாணவர்களுக்கான கலந்தாய்வு செப்டம்பர் 7 முதல் 11 ஆம் தேதி வரையும், பொதுப்பிரிவு மாணவர்களுக்கான ஆன்லைன் கலந்தாய்வு செப்டம்பர் 14ஆம் தேதி முதல் அக்டோபர் 4ஆம் தேதி வரையும் நடைபெறும் என உயர்க்கல்வித்துறை தெரிவித்துள்ளது.