"தமிழ் வழி கல்வி, அரசு பள்ளியில் பயின்றவர்களுக்கு வேலை வாய்ப்பில் முன்னுரிமை" - ஆளுநர் உரை

திருநங்கைகள், ஆதிதிராவிடர், தமிழ்வழியில் பயின்றோர் ஆகியோருக்கான அறிவிப்புகளும் ஆளுநர் உரையில் இடம்பெற்றுள்ளன. தமிழ் வழியில் பயின்றவர்களுக்கும், அரசு பள்ளிகளில் பயின்றவர்களுக்கும் அரசு பதவிகளுக்கான வேலை வாய்ப்பில் முன்னுரிமை கொடுக்கப்படுவதை அரசு உறுதி செய்யும் என்று ஆளுநர் உரையில் தெரிவிக்கப்பட்டுள்ளது. தமிழகத்தில் உள்ள மத்திய அரசு அலுவலகங்களிலும், பொதுத்துறை நிறுவனங்களிலும் தமிழ்நாட்டை சேர்ந்தவர்களுக்கு பணி நியமனத்தில் முன்னுரிமை அளிக்க மத்திய அரசை வலியுறுத்துவோம் என்றும் கூறப்பட்டுள்ளது.