மாநில வளர்ச்சி கொள்கை குழு கூட்டம் - முதல்வருடன் ஆலோசனை

மாநில வளர்ச்சி கொள்கை குழுவினருடன் சென்னை தலைமை செயலகத்தில் முதல்வர் ஸ்டாலின் இன்று ஆலோசனை நடத்தினார். இதில், குழு உறுப்பினர்களுக்கான துறைகள் ஒதுக்கீடு செய்யப்பட்டன.

தமிழ்நாடு மாநில வளர்ச்சி கொள்கை குழுவை மாற்றி அமைத்து, தமிழக முதலமைச்சர் மு.க.ஸ்டாலின் அண்மையில் உத்தரவிட்டிருந்தார். இதன் துணை தலைவராக பேராசிரியர் ஜெயரஞ்சனும், முழுநேர உறுப்பினராக பேராசிரியர் இராம. சீனிவாசனும் நியமிக்கப்பட்டுள்ளனர். பகுதி நேர உறுப்பினர்களாக 8 பேர் நியமனம் செய்யப்பட்டுள்ளனர். 

இந்நிலையில், முதலமைச்சர் ஸ்டாலினுடன், மாநில கொள்கை குழு உறுப்பினர்களுக்கான முதல் ஆலோசனை கூட்டம் இன்று நடைப்பெற்றது. இந்த கூட்டத்தில் குழு உறுப்பினர்களுக்கான புதிய துறைகளை ஒதுக்கீடு செய்யப்பட்டன. அதன்படி பேராசிரியர் ஜெயரஞ்சனுக்கு விவசாயம் கொள்கை மற்றும் திட்டமிடுதல் துறையும், பேராசிரியர் இராம. சீனுவாசனுக்கு திட்ட ஒருங்கிணைப்பு துறையும் வழங்கப்பட்டுள்ளது. இதேபோல் இதர உறுப்பினர்களுக்கான துறைகளும் அறிவிக்கப்பட்டுள்ளன.