கோவையில் தீவிர வாக்கு சேகரிப்பில் கமல்ஹாசன்... உக்கடத்தில் மீன் வியாபாரிகளுடன் உரையாடல்

கோவை தெற்கு தொகுதியில் போட்டியிடும் கமல்ஹாசன், இன்று காலையில் பந்தய சாலை பகுதியில் நடைபயிற்சி மேற்கொண்டார். தொடர்ந்து ராமநாதபுரம் பகுதியில் உள்ள சாண்டோ சின்னப்பா தேவர் நினைவு தேகப்பயிற்சி சாலைக்கு சென்ற அவர், அங்கு சிறிது நேரம் உடற்பயிற்சி மேற்கொண்டார். இதனைத் தொடர்ந்து சாலையோரம் உள்ள டீக்கடை ஒன்றின் அருகே நின்று கொண்டு இருந்தவர்களிடம் சிறிது நேரம் கலந்துரையாடிய கமல்ஹாசன், பின்னர் உக்கடம் மீன் சந்தைக்கு சென்று, மீன் வியாபாரிகளிடம் சிறிது நேரம் உரையாடினார்.