பட்டாசு ஆலை வெடி விபத்து-19பேர் பலி...மருத்துவமனைக்கு படையெடுக்கும் உறவினர்கள்

பட்டாசு ஆலை வெடி விபத்தில் உயிரிழந்த தொழிலாளர்களின் உடல்களுக்கு சிவகாசி அரசு மருத்துவமனையில் பிரேத பரிசோதனை நடைபெற்று வரும் நிலையில் அங்கு போலீசார் குவிக்கப்பட்டுள்ளனர்.சாத்தூர் அருகே அச்சன் குளத்தில் நடைபெற்ற பட்டாசு ஆலை வெடி விபத்தில்  3 பெண்கள் உட்பட 19 தொழிலாளர்கள் உயிரிழந்தனர்,. படுகாயம் அடைந்த 3 பேர் அரசு மற்றும் தனியார் மருத்துவமனைகளில் சிகிச்சை பெற்று வருகின்றனர்,. இந்த நிலையில் உயிரிழந்தவர்களின் உடல்கள் சிவகாசி அரசு மருத்துவமனையில் வைக்கப்பட்டு இருந்த நிலையில் தற்போது  பிரேத பரிசோதனை தொடங்கப்பட்டுள்ளது,. இதனைத்தொடர்ந்து உயிரிழந்த தொழிலாளர்களின் உறவினர்கள் கிராமப் பகுதியில் இருந்து சிவகாசி அரசு மருத்துவமனைக்கு படையெடுத்து வருவதாக கூறப்படுகிறது,.  இதனால் சிவகாசி நகரின் முக்கிய சாலைகள் மற்றும் சிவகாசி அரசு மருத்துவமனை வளாகம் முழுவதும் பாதுகாப்புக்காக நூற்றுக்கணக்கான போலீசார் குவிக்கப்பட்டுள்ளனர்