சிறுமி நரபலி - பெண் மந்திரவாதி சிறையில் அடைப்பு

புதுக்கோட்டை மாவட்டம், நொடியூர் கிராமத்தை சேர்ந்த 13 வயது சிறுமி நரபலி கொடுக்கப்பட்ட வழக்கில் பெண் மந்திரவாதி வசந்தி திருச்சி மத்திய சிறையில் அடைக்கப்பட்டார். கடந்த 5 வாரங்களாக போலீசார் விசாரணையில் இருந்த வசந்தியிடம் இருந்து, கார், செல்ஃபோன் மற்றும் மாந்திரீக பொருட்கள் பறிமுதல் செய்யப்பட்டன. இந்நிலையில் வசந்தியை, நீதிமன்றத்தில் ஆஜர்படுத்தி சிறையில் அடைத்த போலீசார்,  தேவைப்படின் காவலில் எடுத்து விசாரணை நடத்தப்படும் என்று தெரிவித்துள்ளனர்.