தனியார் பஞ்சு ஆலையில் திடீர் தீ விபத்து - பல லட்சம் ரூபாய் மதிப்பிலான பஞ்சு எரிந்து சேதம்

ஸ்ரீவில்லிபுத்தூர் - ராஜபாளையம்  தேசிய நெடுஞ்சாலையில் வன்னியம்பட்டி பகுதியில் உள்ள தனியார் பஞ்சு ஆலையில் பஞ்சுகள் வைக்கப்பட்டிருந்த அறையில்  திடீர் தீ விபத்து ஏற்பட்டது. தகவல் அறிந்து சம்பவ இடத்திற்கு , ஸ்ரீவில்லிபுத்தூர் மற்றும் ராஜபாளையத்தில் இருந்து 2 வாகனத்தில் வந்த  20 தீயணைப்பு வீரர்கள் நீண்ட நேரம் போராடி தீயை கட்டுக்குள் கொண்டு வந்தனர். இந்த விபத்தில் பல லட்சம் ரூபாய் மதிப்புள்ள பஞ்சுகள் எரிந்து சேதமானதாக கூறப்படுகிறது. இந்த விபத்து குறித்து வன்னியம்பட்டி போலீசார் விசாரணை நடத்தி வருகின்றனர்.